Itsatsita (Musikala)
Sinopsia
Demodé Produkzioak konpainiak “Itsatsita” musikala dakar Elgoibarrera.
Sinopsia: Neska batek eta mutil batek diskoteka batean elkar ezagutzen dute eta kimika sortzen da. Gauza batek bestea dakar: baietz, ezetz… eta azkenean baietz: sutsuki enroilatzen dira bainu batean. Nori ez zaio gertatu?
Baina istorio hau ez da amaitzen gazteen, musikaren eta alkoholaren gaueko istorio asko amaitzen diren bezala: gure protagonistek espero ez zuten arazo txiki batekin egingo dute topo. Medikuek «penis captivus» deitzen diote, eta topaketa sutsu honen amaiera ez da bainu batean izango, ospitale bateko larrialdi-gelan baizik.
Han hasten da benetan gure istorioa. Mutikoa eta neska, hitzez hitz ITSATSITA egongo direnez, elkar ulertzera eta elkar ezagutzera kondenatuta egongo dira Larrialdietako Boxean itxaronaldi luze horretan. Itxaronaldia tentsioz betea, zirraragarria eta oso komikoa izango da, baina batez ere… musikala!
Fitxa artistikoa
- Zuzendaria: Patxi Barco
- Zuzendari musikala: Joli Pascualena
- Interpreteak: Xanti Korkostegi, Maria Redondo, Ainhoa Aierbe, Paul San Martin
- Produkzioa: Demode Produkzioak
- Libretoa eta Musika: Ferran Gonzalez, Alicia Serrat, Joan Miquel Perez.
- Euskarara egokitzea: Aitziber Garmendia, Patxi Barco
OHARRA/AVISO
Email mota batzuk direla eta baliteke sarrerak ongi ez bidaltzea. Hala bada, gerturatu takilara eta bertan inprimatuko zaizkizu.
Con algunos tipos de cuentas de email, es posible que las entradas no se envíen correctamente. Si es el caso, pida las entradas en taquilla para que le sean impresas.
